Pas sukseseve të shumta që ka arritur këngëtarja, Era Istrefi, me këngën e saj të fundit “Bonbon” ajo këtyre ditëve ka “pushtuar” edhe shtetin e Danimarkës.
E gjithë kjo ka ardhur pas nënshkrimit të marrëveshjes me kompaninë e njohur të muzikës “Ultra Sony Music”, që ka bërë që këngëtarja të prek majat e toplistave në tregjet muzikore evropiane.
Kënga e Erës është shpërndarë në faqen e “Ultra Sony Music” në Facebook, e cila është vlerësuar si një këngëtare me një zë të fuqishëm.
Mbishkrimi i plotë që kjo faqe ka bërë për Erën është: “Shqiptarja Era Istrefi na ka mahnitur dhe për këtë ka nënshkruar me Sony Music! Ajo është një yll në rritje dhe ka bërë bujë në shumë top-lista të Evropës me këngën ‘Bonbon’”.
Gjithashtu këngëtarja në fjalë është cilësuar se ka tipare me dy yjet botërore Sia dhe Rihanna.
Kujtojmë, se para disa ditëve për suksesin e Erës, shkruajti edhe revista botërore e show bizit botëror “Billboard” ku edhe realizoi një intervistë me Erën.
