Mbrojtësi i Chelsea, Gary Cahill, do të jetë kapiteni i Anglisë në miqësoren e së shtunës kundër Gjermanisë, duke zëvendësuar Wayne Rooney që është i dëmtuar, bëri të ditur Federata Angleze e Futbollit, ditën e premte, në bazë të urdhrit të dhënë nga trajneri Roy Hodgson.
Roy Hodgson vendosi që Cahill të jetë kapiten sa herë do të mungojë Rooney Rooney, që është golashënuesi më i mirë i historisë së kombëtares angleze është i dëmtuar që nga 13 shkurti, në ligamentet e gjurit dhe sulmuesi i Manchester United është në garë me kohën për të qenë i gatshëm për fazën finale të kampionatit europian që do të fillojë në Francë më 10 qershor.
30-vjeçari Cahill ka qenë vetëm një herë kapiten në të kaluarën 30-vjeçari Cahill do të jetë për herë të dytë në karrierën e tij si kapiten i Anglisë, pasi e mbajti shiritin në fitoren 2-0 ndaj Estonisë, në tetorin e kaluar, për eliminatoren e fundit. Portieri Joe Hart dhe mesfushori Raheem Sterling gjithashtu do të mungojnë në ndeshjen që do të zhvillohet në Berlin. Anglia do të presë Holandën në “Wembley”, tre dit më vonë.
