Një aksident ka ndodhur mëngjesin e sotëm në aksin Bulqizë-Peshkopi, si pasojë e të cilit 8 persona kanë mbetur të plagosur.
Mësohet se një furgon me pasagjerë me targa AA 174 FF ka dalë nga rruga në vendin e quajtur Fushë-Bulqizë. Për pasojë 8 pasagjerët që udhëtonin me të janë plagosur dhe janë dërguar në spital për të marrë ndihmën e nevojshme mjekësore.
Shkak i aksidentit dyshohet të ketë qenë lagështia në rrugë, dhe shpejtësia e lëvizjes së mjetit, ndërkohë që policia ka nisur hetimet.
