Ka patur një moment të sikletshëm vizita e Presidentit amerikan në Kubë. Pas një konference për shtyp të përbashkët, ku Raul Castro për herë të parë lejoi edhe pyetjet e gazetarëve, Presidenti i SHBA-ve tentoi të përqafonte presidentin kuban por ai e ka refuzuar.
Në videon që tashmë po bën xhiron e botës, shihet se si dy liderët i japin dorën njeri-tjetrit por ndërsa Obama afrohet për ta përqafuar, Castro ia ngre dorën lart si të një kampioni, por dora e shefit të Shtëpisë së Bardhë mbetet e varur në ajër, ndërsa i shton një buzëqeshje situatës aspak të këndshme që nuk kaloi pa ovacione nga salla.
Presidenti Obama është i pari president amerikan që viziton Kubën që pas luftës së ftohtë, një shenjë e përmirësimit të marrëdhënieve mes dy vendeve.
(Boldnews)
