Janë edhe dy skuadrat e Milanos, Inter dhe Milan në “International Champions Cup”, turneu miqësor që do të zhvillohet në Europë dhe Shtetet e Bashkuara të Amerikës, nga 24 korrik në 13 gusht. Në fushë, veç zikaltërve dhe kuqezinjve do të jetë edhe Chelsea, Bayern Munich, Leicester City, Liverpool, Real Madrid, Barcellona dhe Celtic.
Inter dhe Milan do të marrin pjesë në turneun “International Champions Cup” Inter do të debutojë më 24 korrik, kundër PSG, ndërsa të shtunën më 30 korrik do të ndeshet me Bayern Munich. Të dy këto ndeshje do të luhen në SHBA, ndërsa ndeshja e tretë ndaj Celtic, më 13 gusht, do të luhet në Europë. “Jemi të nderuar të marrim pjesë në këtë veprimtari bashkë me klube të tjera elitare në botë. SHBA është një treg shumë i rëndësishëm për Inter,” – deklaroi drejtori ekzekutiv i Inter, Michael Bolingbroke.
Milan dhe Inter nuk luajnë në Champions League Milan do t’i luajë të tre miqësoret në SHBA. Më 27 korrik do të vihet përballë Bayern Munich në Chicago, më 30 korrik do të ndeshet me Liverpool në Kaliforni, ndërsa më 3 gusht do të vihet përballë Chelsea në Minesota. “Futbollistët i adhurojnë këto tre miqësore në SHBA. Jam i sigurt për këtë. Do të ndeshemi me skuadrat më të mëdha në Europës dhe kjo është shumë pozitive, sepse në dy sezonet e fundit nuk e kemi bërë diçka të tillë,” – tha përfaqësuesi i Milan gjatë ceremonisë së prezantimit, Mauro Tassotti.
