Dy vëllezër nga Lazarati u qëlluan me armë zjarri nga dy kushërinjtë e tyre, djemtë e një efektivi policie në Gjirokastër. Dorjan Lluka, 29 vjeç humbi jetën, ndërsa vëllai i tij Birbil Lluka 31 vjeç është dërguar me helikopter për në Tiranë i plagosur. Dyshohet se autori i krimit është shtetasi Enerik Bexhet Lluka, 28 vjeç.
Ngjarja e rëndë ka ndodhur në fshatin Shtëpëz, në vendin e quajtur kthesa e “Andon Poçit”, ku dyshohet se konflikti ka nisur për motive pronësie.
