Një alarm për bombë në një makinë është dhënë pak minuta më parë në Tiranë. Lajmi bëhet i ditur nga burime policore.
Ngjarja po ndodh në rrugën “Sitki Çiço” në zonën e Brrylit në Tiranë. Dyshohet se në një makinë tip “Benz” me targa AA 877 GZ me ngjyrë të zezë është vendosur tritol.
Makina është e parkuar para shkollës “Niket Dardani” ne Tirane, ndërsa denoncimi është bërë nga vetë pronari, Shefqet Rrapi.
Mësohet se pronari i automjetit ka vënë re gjatë rrugës se dy qeska të mbushura me lëndë të dyshuar si eksploziv të lidhura me tel, poshtë sediljes. Pas këtij momenti ai ka frenuar menjëherë makinën e tij duke telefonuar punonjësit e policisë. Më herët ai kishte vënë re se i ishte thyer xhami i makinës, por kishte pandehur se kjo kishte të bënte me ndonjë tentativë vjedhje.
