Ridvan Hado dhe Neritan Cena do të jenë anëtarët e rinj të KLD-së. Ky ishte vendimi i marrë nga Konferenca Gjyqësore Kombëtare për zvendësimin e anëtarëve me të rinj pasi kishin mbaruar mandatin.
Vendet vakante u takonin, një gjyqtari të Apelit dhe një gjyqtari të shkallës së Parë. Për këto dy vende vakante, ishin tre kandidatura.
Në fund me shumicë votash u zgjodhën, Ridvan Hado Gjykata e Apelit Tiranë dhe Neritan Cena, Rrethi Gjyqësor Tiranë.
Aktualisht, Hado mban detyrën e gjyqtarit në Gjykatën e Apelit Tiranë, ndërsa Cena është gjyqtar në Gjykatën e rrethit Gjqësor Tiranë.
Më herët, 39-vjeçari Neritan Cena ka qenë gjyqtar në Gjykatën e Rrethit Gjqësor Vlorë, nga tetori i vitit 2005, deri më mars të 2010-ës. Ndërsa, nga shatori i 2004-ës deri më shkurt të 2005-ës, ai ka mbajtur postin e gjyqtarit në Gjykatën e Rrethit Gjyqësor Kurbin.
Ridvan Hado ka qenë gjyqtar në Gjykatën e Rrethit Gjyqësor Tiranë nga viti 2000 e deri më 2013-ën. Ndërsa, nga viti 1996 e deri në vitin 2000, 55-vjeçari ka qenë ndihmës gjyqtar në Gjykatën e Shkallës së Parë Tiranë.
