Kur kishte ngelur vetëm një zëvendësim për t’u kryer, Mario Gotze kaloi shumë pranë Guardiola-s dhe ulet në bankinë teksa sheh trajnerin e tij të zgjedhë Philipp Lahm si zëvendësimin e tij të fundit. Mimika e fytyrës së Gotze në përfundim të ndeshjes fliste më shumë se njëmijë fjalë.
Teksa ekipi i tij i FC Bayern festonte fitoren e ngushtë 0:1 kundër Koln, Gotze dukej që kërkonte vetëm të largohej. Se çfarë po mendonte në ato momente vetëm mund ta mendoje, sepse vetëm për të folur që nuk donte lojtari pas ndeshjes teksa zgjodhi korridorin e fshehtë për t’u larguar. Javën e kaluar ai luajti për 90 minuta, çka do t’i ketë dhënë pak shpresa lojtarit, por megjithëse doli në nxehje, dita e tij e punës përfundoi aty. Pa aktivizim. Një pamje me të cilën duhet të jemi mësuar tashmë.
Ishte hera e tetë që Gotze ishte pjesë e skuadrës, dhe vetëm javën e kaluar ai mund të aktivizohej, dhe ishte tepër i lumtur: “Jam i kënaqur për rikthimin. Normalisht që unë dua të luaj në ndeshjet e mëdha,” ishte shprehur ai. Një sinjal verbal për trajnerin. Por për momentin nuk mjafton as për ndeshjen kundër Koln. Megjithëse ndeshja e djeshme dukej fiks për të. Ishte e qartë që Guardiola do të përdorte rotacionin pas 120 minutave të lodhshme kundër Juventus në Champions League.
Plot pesë pozicione ndryshoi Pep ditën e djeshme, por prapë nuk kishte vend për Gotze-n. Shpresa ishte e madhe për lojtarin përpara ndeshjes, sidomos pas deklaratës së Sammer: “Mario është në një formë të mirë. Besoj se do të jetë një opsion i mirë.” Por në vend që Bayern-i i lodhur po humbiste terren në fund të takimit, Pep vendos të fusë në lojë Vida, Ribery dhe Lahm, tre lojtarë që ishin pjesë e ekipit të lodhur të mesjavës, në vend që të zgjidhte freskinë e Gotze-s. Sammer kishte paralajmëruar një aktivizim të lojtarit, por që nuk ndodhi kurrë Përse vendosi kështu Guardiola?
“Nuk dua t’i futem këtij problemi, këto janë kompetencat e trajnerit. Ne kemi shtatë lojtarë cilësorë në sulm, është normale që dikush nuk do të luajë,” ishin fjalët e Rummenigge pas ndeshjes, i cili e kupton edhe mërzinë e lojtarit: “Normalisht që nuk është një situatë e thjeshtë për të.” Të gjithë momentalisht por rinovojnë, ose janë në bisedime për të rinovuar, por për Gotze-n nuk ka të reja mbi kontratën e tij. “Duhet të më kuptoni, që unë nuk do të përmend politikat e brendshme të klubit,” ishin fjalët e presidentit Rummenigge.
Dëshpërimi i Gotze-s është i dukshëm Ish-trajneri i tij Jurgen Klopp me siguri që do të jetë duke monitoruar situatën. Nëpër rrjetet sociale është përfolur shumë kohët e fundit për një interesim të tijin për lojtarin, si dhe për problemet midis Pep dhe Gotze. “Ishte zgjedhja më e mirë për Bayern. Kur ne fitojmë, unë kam të drejtë,” shprehet Guardiola te Sky pas ndeshjes.
