Forcat e Policisë së Komisariatit të policise Vorë në bashkëpunim me Komisariatin nr.5 kanë ndaluar dy të rinj që akuzohen për një sërë vjedhjesh. Zyrtarisht mësohet se janë arrestuar shtetasit Matilda Mertini 24 vjeç dhe Deivis Muka, 26 vjeç.
Sipas hetimeve të policisë Muka dhe Mertini kanë vjedhur praë një qendre tregtare katër parfume të markave të ndryshme , një palë syze të markës Rayban me vlerë 260 euro si dhe një orë rolex.
Dy autorëte dyshuar të kesaj vjedhje e kanë kryer vjedhjen me anë të një pulti i cili bllokon mbylljen e mjetit me pult nga ana e përdoruesit duke bërë të mundur hapjen e mjeteve pa thyerje.
Aktiviteti i grabitësve ka qenë i shtrirë prej majit të vitit të shkuar.
Të rinjtë kanë një sërë mjetesh të vjedhura si telefona të zgjuar, portofola me shuma të caktuara lekësh, çanta etj.
Ja dokumentimi i ngjarjeve:
1. Më datë 21.05.2015, rreth orës 11:30, në Qendër Kamëz, tek stacioni i autobuzave, në mjetin ‘’Volksvagen Tuareg”, me targa AA067KK, në pronësi të shtetases M.R, banuese në Kamëz, persona të paidentifikuar kanë vjedhur një telefon “Galaksi S-5”, dhe një sasi prej 30.000 lekësh.
2. Më datë 25.05.2015, në Kodër Kamëz, shtetasit F.H ,24 vjeç, banues në fshatin Kasallë Tiranë, i kanë vjedhur telefonin tip ‘’Smart phone’’ në mjetin e tij .
3. Më datë 03.06.2015, rreth orës 22:30, në rrugën “Kosova”, Kamëz, shtetasit E.Shehu, i kanë vjedhur një telefon tip “Nokia”, dokumentat dhe 10.000 lekë në mjetin me targa AA659EX.
4. Më datë 25.07.2015, në ora 11 :00, ka bërë kallëzim shtetasi G C,1955, banues në Burrel, se në mjetin e tij tip Benz CDI 270, me targa AA884 KJ, i kanë vjedhur dokumentacionin e mjetit dhe një shumë prej 60.000 lekë.
5. Më datë 15.10.2015, ka bërë kallzim shtetasi B.Gj, 1963, banues në Tiranë se në ora 15:30, në rrugën “Bulevardi Blu” Kamëz, duke qëndruar përpara një dyqani lulesh me mjetin e tij tip “Benz” me targë TR 7797 K, në sediljen e parë i kanë vjedhur dy telefona të markës “Samsung” dhe portofolin e tij me një shumë lekësh.
6. Më datë 03.11.2015, rreth orës 11.00, në Laknas, tek lokal “Ferma Uka“, është vjedhur brënda në mjetin tip “Toyota”, me targa TR 2064 R, celulari tip “I-Phone – 6 “, në pronësi të shtetases A.Gj, .1978, banues në Tiranë.
7. Më datë 19.11.2015, ora 18.00, shtetasja M. Shehu, 1975, banuese në Bathore Kamëz,ka bërë kallzim sepse sot rreth orës 15.30, në Bulevardin “ Blu” Bathore, ka konstatuar se brenda në mjetin e saj tip “Benz” me targa AA 406 BB, i kanë vjedhur shumë prej 368 500 lekë.
8. Më datë 13.12.2015, në orën 19.30, në rrugën “Skënderbej” Kamëz, shtetasit Sh. A, i datëlindjes .1961, banues në Tiranë, i kanë thyer xhamin e mjetit tip “Mitsubishi”, me targë AA 991 CX, ku i kanë marrë një çantë me 50.0000 lekë.
9. Më datë 25.12.2015, ora 16.30, në rrugën “Kosova”, janë vjedhur çanta, me disa dokumenta personale dhe një shumë prej 10.000 lekë, në mjetin tip “Reno” me targa AA 977KD, në pronësi të shtetasit A.P, 1972, banues në Tiranë.
(Boldnews)
