Klubet angleze e kanë humbur lavdinë në Ligën e Kampionëve

Ekipi më i mirë në botë, Barcelona, ka mbledhur 44.6 milionë £ duke fituar Ligën e Kampioneve, sezonin e kaluar. Për pronarët e klubeve angleze të “Premier League”, Europa nuk është “lopa për t’u mjelur”, sa u takon të hollave. Klubet kryesore të futbollit i ndjekin paratë gjithmonë dhe kudo. Koeficienti i “Champions League” garanton katër vende të sigurta në këtë garë për klubet angleze edhe për një tjetër sezon. Por, dita kur ekipet angleze ta dominojnë këtë garë duket se do të jetë e gjatë. Përpara shortit të çerekfinaleve, që do të hidhet sot në Nyon, Manchester City është skuadra e vetme angleze, e mbijetuar në Champions. Neymar, Lionel Messi dhe Luis Suarez janë një prerje mbi pjesën tjetër të lojtarëve Nuk është vetëm prestigj fitimi i çmimit më të madh të Europës për klubet e futbollit, por kësaj i bashkangjitet edhe shpërblimi financiar. Shuma e fituar nga Barcelona, që mposhti Juventusin në finalen e sezonit të kaluar, është dukshëm e dyta më e mirë. Sivjet ka të ngjarë që fituesi i kësaj gare të pasurojë arkat e tij me një shumë tjetër, çmimi televiziv, prej 66.6 milionë £. Edhe ky “trofe” do të shkojë për fituesin e Ligës së Kampionëve. Disa javë më parë, perspektiva e dobët e Chelsea në Ligën e Kampionëve shkaktoi jo pak trazim. Ekipet çerekfinaliste janë Barcelona, Real Madrid, Bayern Munich dhe Paris Saint-Germain, që veprojnë në një nivel tjetër. Golat e Thomas Muller dhe Robert Lewandowski mjaftojnë për lavdinë e Bayern Munich në Champions Ato kanë joshur disa nga sulmuesit më të mirë të botës, me premtimin e një shansi për të fituar Ligën e Kampionëve. Nuk është rastësi që pesë nga gjashtë shënuesit më të mirë të kësaj gare luajnë këtë sezon për Barcelonën, Real apo Bayern: Cristiano Ronaldo (13 gola), Robert Lewandowski (8 gola), Thomas Muller (7 gola), Lionel Messi dhe Luis Suarez (6 gola). Edhe trajneri i Arsenalit, Arsene Wenger, i cili njihet se e këtë Kupë Europiane një “obsesion”, pranon se nuk është më prioritet. Francezi mbështetet te rezultatet e skuadrëss ë tij, që ka dështuar të avancojë më tej se 1/16 finale të Ligës së Kampionëve në gjashtë vitet e fundit. Wenger është i bindur se i ka të gjitha, në të holla, për të bërë shpenzime të mëdha sa Barcelona, por nuk mund të ketë në dispozicion lojtarë të tillë si Suarez, Neymar me Messi. Cristiano Ronaldo u largua nga Premier Liga për te Real Madrid Gjithashtu, Manchester United, u eliminua që në fazën e grupeve. Ajo që bëri Sir Alex Ferguson në 2008, 2009 dhe 2011 është nostalgji, diçka e zhdukur. Këtë vit dështoi të kualifikohet në një grup të përbërë nga Wolfsburgu, çerekfinalist i sotëm, PSV Eindhoven dhe CSKA Moska. Ky është klubi i futbollit, i treti më i madh në botë, pas Real Madridit dhe Barcelonës, ​​sipas sondazhit të fundit të “Deloitte”. Me 300 milionë £ të investuara për projektin e Van Gaalit, drejtuesit e United i kanë pasur sytë e tyre tek objektiva të mëdha. Në vend të tyre, “djajtë e kuq” janë të destinuar ta mbyllin kampionatin jashtë zonës që të kualifikon në Ligën e Kampionëve. Chelsea, fitues në vitin 2012, do të jetë një tjetër emër i madh, që do të mungojë sezonin e ardhshëm në Ligën e Kampionëve, për herë të parë në epokën e Roman Abramovich. Në vend të kësaj, ka të ngjarë të jetë një emër i ri nga Anglia, kryesuesit e Premier Ligë, Leicester. Shkruan “The Sun”