Lëvizja Vetëvendosje e ka quajtur skandal diplomatik dëbimin nga Kosova të Boiken Abazit, anëtarë i kryesisë dhe sekretar për marrëdhënie me jashtë në këtë lëvizje. Kjo lëvizje ka kërkuar ndërhyrjen e kryeministrit të Shqipërisë, Edi Rama dhe ministrit të Jashtëm, Ditmir Bushati në këtë proces.
Ish lideri i Lëvizjes Vetëvendosje, Albin Kurti tha se dëbimi nga Kosova i Boiken Abazi është skandal diplomatik, pasi që Abazi nuk ka qenë vetëm qytetarë privat i Shqipërisë në Kosovë por ka qenë i ftuar nga Lëvizja Vetëvendosje në Kosovë. Ai përgjegjës për këtë e ka bërë kryeministrin e Kosovës, Isa Mustafa, ministrin e Punëve të Brendshme, Skender Hysenin, si dhe drejtorin e drejtorisë për migrim të huaj, Valon Krasniqi, të cilin e quan militant të PDK-së.
Kurti: Dëbimi i Boiken Abazit është skandal diplomatik
“Kidnapimi dhe dëbimi i Boikenit, është krim i këtij regjimi të korruptuar si ndaj Republikës së Kosovës, po ashtu edhe ndaj kombit shqiptarë. Për këtë kidnapim dhe dëbim ne e mbajmë përgjegjës kryeministrin e Kosovës, Isa Mustafën, ministrin e tij të Brendshëm, Skender Hysenin dhe drejtorin e drejtorisë për migrim të huaj, Valon Kras niqin, nga profili i të cilit në facebook duket qartë se është militant i PDK-së…. Ky depërtim i Boikenit nga Policia e Kosovës është edhe skandal diplomatik. Ai pason ndaljen e qytetarëve nga Tirana më 9 janar dhe 17 shkurt të vitit 2016, kur ata nuk u lejuan që ta kalojnë kufirin e të bashkohen në protestat më të mëdha të Kosovës së pasluftës. Ne kërkojmë ndërhyrjen e kryeministrit Edi Rama, e të ministrit të Jashtëm, Ditmir Bushati. Pavarësia e Kosovës duhet t’i tregohet e dëshmohet Serbisë dhe jo Shqipërisë. Kufiri mes Kosovës dhe Shqipërisë është kufi i Jugosllavisë dhe Serbisë”, tha Kurti.
Policia e Kosovës asnjëherë nuk ka kontaktuar me shkrim apo me gojë sekretarinë për marrëdhënie me jashtë të Lëvizjes Vetëvendosje, tha deputetja e Kuvendit të Kosovës, Aida Dërguti. Ndërsa pas arrestimit të Abazit nga policia, Dërguti thotë se atij iu është mohuar e drejta e avokatit, si dh e nuk iu është lejuar ta lajmëroj Ambasadën e Shqipërisë në Prishtinë.
Dërguti: Policia nuk ka treguar fletëarrestin
“Me arsyetimin e policisë thuhet se prania e Boikenit paraqet kërcënim për rendin dhe sigurinë shtetërorë të Republikës së Kosovës. Sigurisht që kjo nuk thuhet për Vuçiqin, ….., Daçiqin e Gjuriçin por thuhet për Boiken Abazin. Policët Civil nuk kanë paraqitur urdhërarrest edhe pse Boikeni ua ka kërkuar që në momentin e parë. Boikeni nuk është kontaktuar kurrë as me shkrim, as me gojë, e as me telefon për t’u paraqitur në polici për shkelje. Pra, nuk ka pasur as thirrje më herët, edhe pse aktiviteti i Boikenit nuk është fshehur asnjëherë. Boikenit iu është mohuar e drejta për avokat në kundërshtim me gjitha normat ndërkombëtare. Boikenit iu është mohuar e drejta për ta njoftuar Ambasadën e Republikës së Shqipërisë edhe pse këtë gjë e ka kërkuar nga prokuroria. Poli cia i ka thënë se as ata nuk kontaktuar ambasadën, pasi që sipas tyre nuk ishte e nevojshme”, tha ajo.
Sipas saj, Policia e Kosovës e cila ka shpallur Boikën Abazin si person të rrezikshëm, e ka lënë të lirë atë në pjesën neutrale të kufirit Kosovë-Shqipëri, bile atë pa lajmëruar autoritetet e Shqipërisë.
Dërguti: Policia e shpall Boikenin person të rrezikshëm, pastaj e lë të lirë
“Nga vendimi mësojmë se Boikeni ishte shpallur i rrezikshëm, pastaj policia e lë të lirë në zonën neutrale të kufirit Kosovë-Shqipëri. Dhe nuk i ka lajmëruar autoritetet kufitare të Republikës së Shqipërisë….Ky regjim që ditë e natë flet për liberalizim të vizave vepron plotësisht në kundërshtim me parimin themelor të lirisë së lëvizjes”, tha ajo.
Sekretari për marrëdhënie me jashtë i Lëvizjes Vetëvendosje, Boiken Abazi është dëbuar nga Kosova për në shtetin e Shqipërisë dhe i është ndaluar hyrja në shtetin e Kosovës për periudhë 2 vjeçare.
***
Kidnapimi dhe depërtimi i Bojken Abazit është krim i këtij regjimi të korruptuar dhe se përgjegjës për këtë është kryeministri i Kosovës, Isa Mustafa dhe ministri i Brendshëm, Skënder Hyseni.
Kështu pohoi Albin Kurti në një konferencë për media, ku tha se këto janë taktika të shtetit policor dhe metoda fashiste me tendencë antishqiptare.
“Ky depërtim dhe kidnapim është skandal diplomatik. Kërkojmë ndërhyrjen e kryeministrit Edi Rama në këtë rast. Pavarësia e Kosovës duhet t’i tregohet e dëshmohet Serbisë, e jo Shqipërisë”, tha Kurti.
Ai tha se nuk është në pyetje një njeri por është dukuri e shëmtuar për të cilën Vetëvendosje kërkon reagimin e Tiranës.
