Kanë qenë të shumta kritikat dhe talljet për këngën që do të përfaqësojë Shqipërinë në Eurovizion. Faqja më e famshme e parashikimeve “wiwibloggs” e ka cilësuar këngën e Eneidës “Përrallë” në versionin anglisht si “horror”.
Djemtë e blogut kanë dëgjuar të dyja versionet e këngës duke e cilësuar versionin shqip shumë herë më të mirë se sa ai i në anglisht.
Ata shprehen se Eneda është një këngëtare shumë e mirë, por versioni i ri i këngës është një dështim sipas tyre.
Ata nuk kanë nguruar as ta imitojnë në mënyrë tallëse teksa këndojnë refrenin e këngës. Po ashtu ata kanë ironizuar edhe veshjet e këngëtares në klip.
Veç të tjerash ata kanë vënë në dukje edhe shqiptimin e fjalëve në anglisht duke thënë se nuk ia ka arritur aspak. Madje duke e tallur djemtë e blogut të famshëm duket se e kanë fundosur Enedën dhe ëndrrën e saj Europiane.
