Anders Behring Breivik, njeriu i dënuar për vrasjen e 77 njerëzve në mizorinë më të keqe të Norvegjisë në kohë paqeje ka paditur gardianët e tij për trajtim mizor dhe çnjerëzor.
Breivik i cili po vuan dënimin 21-vjeçar pretendon se duke e mbajtur atë në izolim nga pjesa tjetër e të burgosurve të drejtat e tij janë shkelur.
kujtojmë se më herët ai kishte paditur institucionin e burgut ku ai ndodhej pse kishte PS2 dhe PS3 për të kaluar kohën.
Ai po mbahet në burgun Skien në Norvegjinë jugore, ku ai është i vetmi i burgosur në krahun e sigurisë ekstra-të lartë. Ai është prangosur e kontrolluar rregullisht dhe nuk ka asnjë kontakt me të burgosurit e tjerë. Ai është lejuar për të bërë telefonata të shikojë televizor, madje edhe të luaj PlayStation.
Në ankesën e tij të paraqitur vitin e kaluar Ministrisë së Drejtësisë, Breivik u shpreh se izolimi i tij në burg është e barasvlershme me dënimin çnjerëzor dhe degradues, ndërsa kontrolli i emaileve të tij shkel të drejtën e tij për intimitet.
Më 22 korrik 2011, Breivik vrau tetë persona me një makinë bombë në Oslo dhe vrau 69 të tjerë, kryesisht adoleshentë, në një kamp rinor politik në ishullin Utoya.
Dje ka filluar edhe seanca e parë e padisë së tij, e cila pritet të pasohet edhe nga 3 seanca të tjera para se trupi gjykues të japë vendim.
