Muller paralajmeron Bayern: “Juventus, nje ekip i paskrupullt”

“Ekipet italiane nuk e kanë problem të rreshtohen me shumë lojtarë mbrapa. Nuk është një shenjë dobësie. Dhe me shumë mundësi, këtë taktikë do të zgjedhin. I kishim nën kontroll, por Juventus është gjithmonë i rrezikshëm dhe do të mbetet një ekip italian,” shprehet Muller përpara ndeshjes së kthimit kundër Juve-s për Sport1. Bayern duhet të ketë kujdes nga gjakftohtësia e kundërshtarëve. “Dinakëria është një cilësi që e kanë pasur gjithmonë. Kanë lojtarë me eksperiencë, të fortë teknikisht si dhe lojtarë të rinj tepër eksploziv. E nxorën barazimin nga hiçi, sepse kanë kualitet. Duhet të jemi të përqendruar deri në minutën e fundit.” Frika për një humbje dhe lamtumirë të Champions League për Muller nuk ekziston: “Nuk e kam menduar kurrë humbjen. Mendoj gjithmonë pozitivisht. Frika apo respekti për Juventus fryhet shumë nga media. Ne e kemi thënë që para ndeshjes së parë që janë një ekip i fortë, por ju i pamposhtur. Këtë mendim kemi edhe tani.”