Me çmimet e karburantit në rritje linjat ajrore po vendosin çdo ditë më shumë taksa mbi pasagjerët dhe udhëtimi me avion nuk po bëhet asnjëherë më i lirë. Edhe psë nuk mund të shkoni në të gjitha destinacionet e ëndrrave, udhëtimi me avion në disa raste është mënyra e vetme dhe më e shpejtë për të shkuar diku.
Për fat të mirë, ka shumë mënyra për të gjetur tarifat më të përballueshme dhe gjithashtu për të shmangur pagesat shtesë, nëse udhëtimin e planifikoni me kujdes përpara.
Prenotoni biletën më të leverdishme
Kompanitë ajrore vendosin tarifat e biletave të martën në mëngjes, duke e bërë këtë ditë si më të mirën për të prenotuar një fluturim më të lirë.
Udhëtoni në ditet me më pak fluks
E marta, e mërkura dhe e shtuna janë ditët me fluks më të ulët udhëtarësh, në këto ditë do të gjeni bileta më të lira, sesa në pjesën tjetër të javës. Ju gjithashtu mund të gjeni norma të reduktuara çmimesh për fluturimet e para të mëngjesit, pasi shumë njerëz nuk i preferojnë këto orare.
Zgjidheni më vonë vendin për t’u ulur
Disa kompani ajrore ju marrin pagesë shtesë për vendin ku dëshironi të uleni në avion. Në qoftë se ju prisni deri në ditën e udhëtimit sërish keni shanse për të përfituar një vend të përshtatshëm në avion.
Fluturimi në ditë festash dhe pushimesh
Ju tashmë e dini se vera është koha më e shtrenjtë për të fluturuar me avion, madje në ditë festash thuhet se ‘çmenden çmimet’. Kurseni shumë para mënjanë nëse jeni i gatshëm për të udhëtuar në festat e mëdha, të tilla si Dita e Falenderimeve dhe Krishtlindja.
Mos prisni deri në minutën e fundit për të prenotuar
Shumë udhëtarë nuk e dinë se ka një kohë ‘të ëmbël’ për prenotim dhe për të gjetur çmimin më të mirë për biletën tuaj. Prenotimi shumë herët ose shumë vonë mund t’ju kushtojë më shumë para. Koha me e mirë për të prenotuar një biletë avioni është nga tre muaj deri gjashtë javë prej kohës kur ju doni të udhëtoni.
Shmangia e taksave shtesë
Disa kompani ajrore i taksojnë udhëtarët edhe për përdorimin e banjes. Ndaj pyesni mirë për detajet e biletes në mënyrë që të mos paguani për gjëra që nuk i keni të domosdoshme në udhëtim.
Shmangnia e ndryshimeve
Ndonjëherë ndryshimet në biletë janë falas, por nëse janë të minutës së fundit mund t’ju kushtojë shumë.
Kujdes tarifat për bagazhet
Përse të paguani për valixhet që udhëtojnë me ju? Por duhet të siguroheni që pesha është aq sa lejohet në biletë, për të mos paguar para shtesë.
Paketoni ushqim
Nëse ju jeni duke fluturuar ndërkombëtarisht, rrallë mund të gjeni ushqim të lirë në avion. Madje ushqimet në avion pothuajse asnjëherë s’janë të shëndetshme. Ndaj disa gjëra të vogla për të ngrënë dhe që lejohen nga siguria e aeroportit mund t’i merrni nga shtëpia.
Burimi: Save 70
