Gjithsej 60 faqe format A 4 me mesazhe kërcënuese dhe fyese janë shkruar dhe postuar online në adresë të moderatores Rudina Magjistari.
Për plot 2 vjet historia e përndjekjes ka vijuar fillimisht me inbox më pas në profilin e faqes së saj zyrtare në facebook, derisa në një moment vendosi të bëjë denoncimin në polici.
“Per dy vite rresht ne inbox dhe muajt e fundit ketu ne wall (komente) duke fyer dhe kercenuar. Ne fakt qe heret kuptova qe ishte nje njeri me probleme te shendetit mendor (shpeshhere kishte humbje te logjikes ne ato qe shkruante) dhe per kete arsye, thjesht i beja block ne menyre sistematike; por me kot sepse personi ne fjale hapte gjithmone profile te reja. Por kur filloi te shkruante mes komentesh, ketu, publikisht, me nje gjuhe perverse dhe te piset, duke prekur familjen time apo duke permendur emra te tjere publike e familjet e tyre, denoncimi ishte i pashmangshem. Sigurisht per ata qe jane kurioze, komentet jane fshire, por kam ruajtur screenshot-et. Duheshin per policine. Ketyre te fundit iu eshte dashur me siguri shume durim ti lexojne te gjitha ato mesazhe e komente, gjithsej 60 faqe format A4. Kane qene kohe te shqetesuara dhe shpresoj qe ky person te identifikohet sa me shpejt dhe te merret masat e duhur.” – shkruan Rudina Magjistari në rrjetin social Facebook.
Një 37-vjeçare nga Durrësi e dyshuar
Sot policia e Tiranës informon se i ka referuar materialet në Prokurorinë e kryeqytetit për një 37-vjeçare e identifikuar si Vjola Sala, banuese në Durrës, për akuzën e kanosjes, ndërhyrjes së padrejtë në jetën private , fyerje dhe shpifje.
“Dyshohet se prej muajit tetor 2015 dhe në vazhdim ka dërguar mesazhe me përmbajtje kërcënuese dhe fyese në profilin facebook të moderatores televizive Rudina Magjistari”- informon policia.
Moderatorja e njohur Rudina Magjistari është tërhequr për pak kohë nga ekrani ku së fundmi drejtoi emisionin “Takimi i pasdites” në Tv Klan për t’iu përkushtuar vajzës së saj të vogël.
