Zbardhet dialogu i taksistit i cili është grabitur nga një person i armatosur, por i pamaskuar. Lajmi u bë publik nga policia e cila kërkon ndihmë për të identifikuar dhe kapur grabitësin. Ndërkaq në videon e shpërndarë nga uniformat blu është filmuar e gjithë ngjarja dhe dialogu mes taksistit dhe grabitësit i cili ka në dorë një pistoletë.
Ja dialogu i plotë:
Taksisti: Nga duhet? Nga do ecësh?
Grabitësi: Këtu…Këtu majtas…
Taksisti ecën…
Grabitësi nxjerr armën: Mos bëj asnjë lëvizje! Mos bëj asnjë lëvizje! Më dëgjon ça të them?
Taksisti: Si është puna?
Grabitësi: Mos bëj asnjë lëvizje! Vetëm më dëgjo…!
Taksisti: Çfarë më do, më thuaj?
Grabitësi: Vetëm më dëgjo, shpejt lekët që ke!
Taksisti: Të jap këto lekët që kam në xhep!
Grabitësi: Shpejt të lutem, mos bëj asnjë lëvizje, se unë s’kam …me u fut në sherr
Taksisti lëviz
Grabitësi: Ore, mos bëj lëvizje ore! Mos ik ore! Se të pres këtu, mos ik!
Taksisti i jep lekët: Këto kam të gjitha!
Grabitësi: Mirë, po mos më lëviz, mos më ik ore
Taksisti: Këto kam të gjitha, urdhëro
Grabitësi: Or, dakord ore. M’i jep në dorë, këtu, e sheh ku e kam dorën?
Grabitësi: Hiqe unazën!
Taksisti: Jo, unazën s’ta jap unë! Mos kërko më tepër së nuk e heq dot unazën!
Grabitësi: Dëgjon ça pot ë them unë?
Taksisti: Mos kërko më tepër o burrë, mjaftohu me këto lekë, se ika unë të njoftoj njerëzit! Merri lekët se u thashë këtyre!
Taksisti thërret nga xhami i dritares: Njoftoni policinë, njoftoni policinë. Na lekët, zbrit! Njoftoni policinë.
