Shoferi i autobusit që u përmbys dje në aksin rrugor Korccë – Devoll është arrestuar nga Policia e Korccës pasi rrezikoi jetën e 14 personave, pjesa më e madhe nxënës. Policia ka zbardhur sot detaje nga aksidenti dhe ka rezultuar që shoferi ka shkelur rregullat e qarkullimit rrugor. Në pranga ka rënë shtetasi Bexhet Qori, 58 vjeç, banues në fshatin Orman. Autobusi po transportonte nxënës dhe mësues të një shkolle kur në këtë aks një kalimtar i preu rrugën. Ngjarja ndodhi pranë fshatit Belorta. Shoferi Qori, i cili po drejtonte mjetin autobus tip “Benz”, me targë KO7353B, ka humbur kontrollin e mjetit dhe është përmbysur në asfalt, duke aksidentuar 4 pasagjerë në këtë mjet: K.E , 20 vjeç, banues në Pojan dhe O.P, 38 vjeç, M. P, 12 vjeç, dhe K. P, 8 vjeç, të trija banuese në fshatin Pendavinj”, thuhet në njoftim.
Nga aksidenti mbetën të lënduar 14 persona, pjesa më e madhe nxënës. Ata u dërguan në Spital me dëmtime të lehta.
