Kënga e fundit e Dafinës, “Liri”, pati shumë sukses që në momentin e publikimit. Ajo u prit mirë nga publiku dhe fansat, ashtu siç ka ndodhur edhe me hitet e tjera të këngëtares.
Por ajo që ka tërhequr vëmendjen e mediave është se përveç fansave të saj, kënga më e re, është pëlqyer edhe nga Ministri i Integrimit të Kosovës, Bekim Çollaku.
Ai vetë e ka shpërndarë këngën në Twitter dhe ka vendosur një nga pamjet e klipit, ku duket Dafina, si kopertinë në profilin e tij.
“Kush ndjen dëshirë të humbasë përmes udhëtimit? Të humbasësh do të thotë të jesh i lirë. Shikoni këngën më të re të Dafina Zeqirit”- ka shkruar Çollaku.
(Boldnews)
