Bota ka zyrtarisht njeriun më të moshuar, tashmë të vlerësuar edhe në librin e rekordeve Guinness, duke marrë certifikatën zyrtare si njeriu që jeton më gjatë në botë. Bëhet fjalë për Israel Kristal, i cili këtë certifikatë e ka marrë në shtëpinë e tij në qytetin izraelit të Haifas.
Kristal, sot 112 vjeç, ka lindur në Poloni në 15 shtator të vitit 1903. Sipas uebsajtit zyrtar në një artikull të Rekordeve Botërore Guinness, mosha e tij është konfirmuar zyrtarisht edhe me dokumentet reale të lindjes së tij.
“Ne kemi gjetur letra, të kohës kur ai ka lindur në Poloni dhe me origjinë është nga Gjermania. Kur Polonia u pushtua nga Gjermania, këta të fundit shkruan emrat e të gjithëve që kishin jetuar aty, zonë për zonë. Ata kanë shkruar se babai im ka lindur atje në vitin 1903”, tha Haim Kristal, djali i tij.
Në artikull saktësohet më tej, se 112 vjeçari ishte zhvendosur në Izrael, në vitin 1950 pasi i kishte shpëtuar vdekjes në kampin e auzhvicit.
“Nëna e tij ka vdekur kur ai ishte vetëm 7 vjeç dhe babai i tij ishte marrë peng nga rusët në vitin 1940, në fillim të Luftës së Parë Botërore. Më pas ai mbeti vetëm, pa prindër. Iu desh t ë mbijetonte vetëm. Mendoj se kjo e bëri atë shumë të fortë shpirtërisht dhe e ndihmoi të ecë përpara pa shumë gjëra, duke u përballur me gjëra shumë të vështira” shtoi Haim.
“Babai im është një njeri shumë optimist. Kur ai sheh një gotë gjysmë të mbushur, është i kënaqur pavarësisht se pjesa tjetër është bosh. Është gjithnjë pozitiv”.
Ai që e mbante më herët rekordin botëror Guinness si njeriu më i vjetër në botë, ishte Yasutaro Koide nga Japonia, që ndërroi jetë në janar të vitit 2016 në moshën 112-vjeçare.
(Boldnews)
