Busti i Ati të Shenjtë, Papa Françesku, u inagurua ditën e sotme nga kryebashkiaku Erion Veliaj, Presidenti Nishani dhe kreu i Katedrales së Shën Palit.
Busti i vendosur pranë kambanës së paqes tek Piramida u realizua nga Qazim Arifi, të cilit ju deshën 4 muaj për ta përfunduar të gjithë punën e tij.
Në fjalën e tij kryebashkiaku Veliaj u shpreh se vend i vendosjes së bustit të Atit të Shenjtë ishte menduar në mënyrë strategjike për të ilustruar mesazhin që ai dha për Shqipërinë. “Me vështrim të lirë duket Katedralja Katolike, Kisha ortodokte dhe Xhamia e qytetit duke bashkuar kështu mesazhin që Papa na dha për solidaritetin e besimit fetar në Shqipëri”.
Vendimi për vendosjen e bustit të Papa Françesku është marrë në mbledhjen e së premtes të Këshillit Bashkiak, ndërkaq sot është realizuar.
Poshtë bustit është vendosur edhe një pjesë e shkëputur nga fjala e tij gjatë vizitës në Tiranë.
“Shqiponjat simbol i flamurit të atdheut tuaj, nuk e harrojnë folenë, por ngjitet lartësive e fluturon lart”.
