Publikohet një video e re e shpërthimit në Gërdec 8 vite më parë. Në të dëgjohet një shtetas që flet në gjuhën angleze dhe sipas gazetës “Tema”, është një nga bashkëpunëtorët e Delijorgjit. Ai i kërkon nëpërmjet telefonit të lajmërohet Delijorgji për shpërthimin. Kjo është një video e siguruar nga një prej drejtuesve amerikanë të kompanisë, që merrej me demontimin në Gërdec.
Videoja tregon se drejtuesi amerikan po e priste shpërthimin dhe pak çaste përpara po komunikonte me Kiçon, vëllain e Mihal Delijorgjit, për ta njoftuar atë se fabrika po shpërthente.
Videoja transmetohet për herë të parë e plotë. Ajo është përdorur pjesërisht në një nga emisionet “Faktori Plus” të gazetarit Mero Baze.
