Kemal Bulut, babai i Umut Bulut, futbollist i Galatasaray dhe kombëtares turke, është një nga viktimat e sulmit terrorist në Ankara, për të cilin autoritetet akuzojnë militantët e Partisë së Punëtorëve të Kurdistanit (PKK).
Kemal Bulut është një nga 37 viktimat autobombës që shpërtheu në zonën e Kizilay, zemra e Ankarasë. Ai po kthehej nga stadiumi, ku kishte ndjekur ndeshjen që ekipi i djalit të tij luajti kundër Genclerbirligi, shoqëri e Süper Lig me seli në kryeqytet.
Vetëm sot në mëngjes, ndërkohë që ishte në një seancë stërvitore në Stamboll, futbollisti mësoi për vdekjen e të atit.
(Në foto futbollisti Umut Bulut)
