Lamtumirë Shqipëri, Gianni De Biasi drejt stolit të kombëtares së Italisë?!!!

Suksesi me Shqipërinë ka qenë historik për kombin tonë. Shkuarja në finalet e “Euro 2016” ka pasur shumë “baballarë”, ç’është e vërteta, por meritat kryesore në këndvështrimin e përtej kufijve, atë ndërkombëtar, i ka marrë trajneri De Biasi. Sidomos në atdheun e tij, Itali. Mediat e përtej Adriatikut nuk ka ditë që s’e kanë 59-vjeçarin nga Sarmede objekt të shkrimeve të tyre. Herë si model që duhet ndjekur, për të arritur diçka të madhe me një skuadër të një vendi të vogël, herë duke e parë si kandidat potencial për të zëvendësuar Antonio Conte në stolin e axurrëve. Tramezzani thotë se do ta ketë të vështirë Italia për ta marrë De Biazin nga kuqezinjtë Duke qenë se ish-trajneri i Juventusit, sipas të gjitha gjasave do të marrë drejtimin e Chelsea në Premier Ligë, sapo të mbarojë finalet e Europianit të Francës, drejtuesit e Federatës Italiane të Futbollit po mendojnë për pasuesin e tij. E nëse De Biazi u bë trajner i Shqipërisë pasi këtë rol e kishte “prekur” në vitin 2007 edhe Antonio Conte, teksa ishte në fillimet e karrierës në trajning, nuk është çudi që këto dy emra të kenë një pikëtakim tjetër, dorëzim-marrjen e stafetës së kombëtares italiane. Në fakt, De Biazi ka kontratë me FSHF-në deri në vitin 2017, e rinovuar automatikisht pas kualifikimit në Europian, por ekziston një klauzolë për prishjen e njëanshme të saj. De Biazi është një nga kadidatët për të pasuar Antonio Conte në stolin e Italisë Pala që tërhiqet para kohe duhet të paguajë dëemshpërblim prej 100 mijë eurosh. Kjo do të ishte diçka e papërefillshme për De Biazin, në kushtet e një kontrate financiare dhe profesionale me të kaltrit. “Calciomercato.it” shkruan sot se Italia e ka njërin ndër kandidatët për drejtimin e kombëtares axurre De Biazin. Madje, për këtë gjë, është pyetur edhe ndihmësi, Paolo Tramezzani. “E ardhmja e Antonio Contes do të jetë larg Italisë dhe nesër mund të njoftojë presidentin Tavecchio për gatishmërinë e tij për të shkuar te Chelsea. De Biazi duke marrë pllakatë vlerësimi nga presidenti Duka, gjatë Asamblesë së Zakonshme të FSHF-së Kjo është arsyeja pse tani po përfliten emra të ndryshëm trajnerësh se kush mund ta zëvendësojë atë në fund të Kampionatit Europian. Në mesin e shumë emrave të përmendur është edhe ai i Gianni De Biasi, aktualisht i “graduar” në krye të Shqipërisë. “Ai në krye të kombëtares italiane? Do të jetë shumë e vështirë për ta marrë, për ta larguar atë nga Shqipëria. Megjithatë, ne kurrë nuk kemi folur për këtë çështje“, – ka thënë zëvendësi i tij, Paolo Tramezzani, për emisionin “Domenica Sportiva”.