Aktivistë të shoqërisë civile do të vijjojnë protestën e tyre tek parku i liqenit ditën e sotme kundër ndërtimit të këndit të lojërave. Madje edhe një tjetër protestë do të zhvillohet për pallatin 13-katësh në hyrje të Parkut të liqenit përballë Fakultetit Ekonomik po nga aktivistët e shoqërisë civile. Protesta është paralajmëruar të jetë paqësore.
Aktivistë të shoqërisë civile do të vendosin trëndafila tek pallati 13 katësh në shënjë të “Rililindjes së vdekur”.
Nisma e protestave edhe tek pallati 13-katësh vjen edhe nga thirrjet e ambientalistëve pasi zona ku po ndërtohet është po ashtu aq e rëndësishme sa edhe ajo ku po ndërtohet parku i lojrave.
Ambjentalistët dhe shoqëria civile, e kanë quajtur të jashtëligjshme lejen e ndërtimit të pallatit 13-katësh në hyrje të parkut të Liqenit. Madje pak kohë më parë ambientalisti Sazan Guri tha se leja për pallatin cënon hyrjen e parkut të liqenit.
