Super Ibrahimovic, PSG fiton titullin me goleadë

Paris Saint Germain ka fituar titullin e katërt radhazi në Ligue 1 kur kanë mbetur akoma edhe tetë ndeshje për t’u luajtur në kampionatin francez. Lojtarët e Laurent Blanc kanë mposhtur me rezultatin e jashtëzakonshëm 9-0 skuadrën e Troues, që mban vendin e fundit në kampionat në kuotën e 14 pikëve. Kjo fitore i ka dhënë sigurinë matematike “Le Parisiens”, të cilët kanë një diferencë prej 25 pikësh më Monaco, që mban vendin e dytë në kampionat me 52 pikë pas barazimit 2-2 ndaj Reims. Festivali i golit ka filluar në minutën e 13-të me Edinson Cavani. Troyes AC – Paris St. Germain Gjashtë minuta më vonë miqtë kanë shënuar edhe dy herë të tjera me Pastore (17’) dhe Rabiot (19’), me PSG që e ka mbyllur pjesën e parë me një avantazh të trefishtë. Në pjesën e dytë është ngjitur në skenë Zlatan Ibrahimovic, i cili ka realizuar tre gola në harkun e 9 minutave (46’, 52’, 55’). Suedezi ka realizuar 101 gola në total në kampionatin francez në vetëm 115 ndeshje të luajtura me Parisin. Goli i shtatë është realizuar në minutën e 58-të me mbrojtësin Suanier që ka dërguar topin në portën e vet. Situata është përkeqësuar për vendasit në minutën e 74-t kur Karaboue është ndëshkuar me karton të kuq pas ndërhyrjes së parregullt të bërë ndaj Cavani në zonën e rreptësisë. Te pika e bardhë është paraqitur vetë sulmuesi i uruguajan, i cili ka realizuar në tentativën e dytë pasi pritjes së portierit Dreyer. Kampionët e Francës, pavarësisht avantazhit të thellë, kanë vazhduar të sulmojnë dhe në minutën e 89-të, Zlatan Ibrahimovic ka realizuar pokerin personal dhe golin e tij numër 102 në Ligue 1. Ndeshja është mbyllur me rezultatin përfundimtar 9-0 dhe PSG ka filluar festën. Objektivi tani është që kampionët e Francës ta festojnë në mënyrë të tillë edhe në Europë. Standings provided by Sofascore LiveScore PSG-Troyes 9-0 Shënues: Cavani 13’, 75’, Pastore 17’, Rabiot 19’, Ibrahimovic 46’, 52’, 55’, 89’ Saunier 58’ (aut) Troyes: Dreyer, Saunier, Ngcongca (Karaboue 64’), Rincon (Martial 86’), Dabo (Confais 46’), Thiago Xavier, Camus, Nivet, Pi, Jean, Gueye. Trajner: Bradja. PSG: Trapp, Van der ËWel (Marquinhos 46’), Silva, Luiz, Kurzawa, Pastore, Stambouli, Rabiot (maxëell 61’), Di Maria (Lucas 61’), Ibrahimovic, Cavani. Trajner: Blanc. Gjyqtar: Letexier Kartonë të verdhë: Thiago, Karaboue