Zgjidhja e një martese ka dhe disa pasoja të tjera për njerëzit e pasur. Përveç dështimit të një lidhje martesore, vijnë edhe detyrat e pagimit të llogarive bankare të ish-bashkëshortëve.
Viktima të këtij procesi janë bërë edhe disa prej personaliteteve më të rëndësishme në sport, të cilët janë detyruar të paguajnë edhe shifra marramendëse.
Një prej këtyre personaliteteve është Bernie Ecclestone. Bosi i Formulës 1 në vitin 2009 u detyrua t’i paguajë 426 milionë dollarë ish-bashkëshortes së tij Slavican.
Ndërsa padroni i skuadrës Chelsea, Roman Abramovich, në vitin 2007 pranoi të derdhë në llogaritë e ish-bashkëshortes Irina Malandina 300 milionë dollarë.
Nuk i shpëtoi divorcit as legjenda e basketbollit botëror, Michael Jordan, që në 2006-n i pagoi bashkëshortes së tij Huanita 168 milionë dollarë.
Por, shkurorëzimi më i përfolur në botën sportive është ai i Tiger Woodsit, të cilit i dolën në dritë të gjitha tradhtitë e tij. Golfisti amerikan pagoi për divorcin e tij me Elin Nordegren 110 milionë dollarë.
Kobe Bryant dhe Vanessa Laine. Kësaj të fundit i takuan 75 milionë dollarë.
