Shkrimtarja shqiptare që jeton në Zvicër, Elvira Dones ka sulmuar ashpër qeverinë e Edi Ramës.
Përmes një statusi në rrjetin social Facebook, Dones shkruan se Shqipëria nuk është pronë e qeverisë, ndërsa shton se kjo e fundit duhet të dëgjojë dhe respektojë popullin.
“L’Albania NON è in vendita (Shqipëria nuk është në shitje). Shqipëria nuk është pronë e një grupi mashtruesish. Qeveria aktuale ka një rrugë të vetme: të degjojë dhe të respektojë atë që populli po i kërkon dhe për të vetmen arsye për të cilën e votoi. Nëse ajo që u thuhet shqiptarëve, thuajse çdo ditë, me përçmim, se janë një popull delesh, pa mend, të manipuluar, të paditur, atëhere kjo qeveri le të gjejë një popull tjetër që të kënaqë dëshirën e saj për t’u majmur në kurriz të tij.”, shkruan Dones.
(Boldnews)
