Daja akuzon lojtarët: Disa nuk e ndjejnë sa duhet peshën e fanellës

E mundur në Shkodër me rezultatin 3-1, Tirana i largohet sërish objektivit të shikuar dhe rishikuar disa herë gjatë këtij sezoni, atë për vendin e tretë në klasifikim, ç’ka do t’i siguronte bardhebluve një vend në Kupat e Europës. Në vend të 5-të pas javës së 26-të të kampionatit, me 40 pikë të grumbulluara, katër më pak se Teuta dhe Kukësi, skuadra e Tiranës, regjistron një rekord negativ në pesë ndeshjet e fundit, me një ecuri të njëjtë me atë të ekipit modest të Tërbunit, që mban vendin e fundit të klasifikimit, me tre humbje dhe dy barazime. Mbase i ngopur nga kjo paraqitje e dobët e skuadrës, ose për të larguar vëmendjen dhe përgjegjësinë nga vetja, trajneri i Tiranës, Ilir Daja, në përfundim të ndeshjes me Vllazninë, si asnjëherë më parë, ai nuk ka kursyer futbollistët e tij. VIDEO / Vllaznia-Tirana 3-1, bardheblutë kalojnë në avantazh me autogol të Cicmil. “Ishte një lojë e barabartë me Vllazninë edhe për faktin që e kishim përgatitur këtë ndeshje në kushte emergjente. Kishim në formacion dy futbollistë që nuk kishin luajtur më parë nga minuta e parë, apo edhe një stol me të rinj. Këto jo për tu justifikuar. Kemi marrë dy gola në qendër, të cilët nuk dua t’ja faturoj askujt prej lojtarëve, por mendoj se nuk u përshtatën si duhet futbollistët e vendosur në qendër të mbrojtjes. Ne do të vijojmë deri në fund të kampionatit garën tonë për të arritur objektivin e klubit që është një vend në Kupat e Europës”, u shpreh trajneri Daja. Vllaznia-Tirana 3-1, bardheblutë i largohet objektivit për vendin e tretë. “Në momentin kur kam marrë drejtimin e Tiranës, ne kemi qenë më poshtë, jo në vende klsifikimi, por në pikë, duke rekuperuar ndjeshëm. Çka mund ta bëjmë sërish duke shpresuar edhe në rikthimin e disa elementëve, të cilëve bluzja e Tiranës i dhemb më tepër se disa të tjerëve. Tirana është nga klubet më të mirëpaguara në Shqipëri dhe me lojtarët të pakontraktuar të siguruar në merkato ka synuar titullin bashkë me disa ekipe të tjera, por gjatë rrugës u pa se disa futbollistë nuk u përshtatën si duhet. Nuk jam për të bërë politikat e klubit, por mund të them se është investuar në infrastrukturë dhe në lojtarët që ka Tirana, por vlera individuale që kanë dhe mbase edhe fakti që nuk kanë ndjerë si duhet peshën e kësaj fanelle, mund të na kenë sjellë në situatën ku jemi aktualisht, kur Tirana lufton për një vend në Kupat e Europës”, përfundoi trajneri i Tiranës, Ilir Daja.