Një ortek i madh ka rënë në Monte Nevoso në Valle Aurina në zonën e Alto Adiges. Masa e dëborës ka zënë rreth dhjetë alpinistë: 6 prej tyre kanë vdekur, 5 italianë dhe 1 austriak, të tjerët kanë mbetur të plagosur dhe nuk përjashtohet mundësia që të ketë edhe të humbur.
Orteku i madh ka rënë rreth orës 11:15 prej 3 mijë metrash lartësi. Punonjësit e ndihmës së shpejtë kanë raportuar që disa persona kanë arritur të shpëtojnë vetë.
Vështirësitë janë të mëdha, sepse është e pamundur që helikopterët të mbërrijnë mbi 3 mijë metra lartësi, pasi për të qenë të lehtë, duhet të jenë të furnizuar me pak karburant. Pranë vendngjarjes ndodhen ambulanca, forca të policisë dhe ndihmës së shpejtë.
(Boldnews)
