Një banesë në qytetin e Fierit është përfshirë nga flakët duke e shkrumbuar plotësisht. Një familje do të detyrohet të qëndrojnë në qiell të hapur për shkak të shkrumbimt total të kësaj banese, që ju e shikoni edhe në këto pamje. Sipas të zotit të shtëpisë, zjarri ka rënë rreth orë 1. 30 pas mesnate teksa ata ishin në gjumë. Fatmirësisht flakët janë ndjerë në kohë nga i zoti i shtëpisë dhe është shmangur tragjedia. Në këtë banesë jetonin 4 persona.
Në vendin e ngjarjes për shuarjen e flakëve kanë mbërritur dy zjarrëfikse, por nuk është arritur të shpëtohet asnjë gjë. Paraprakisht dyshohet se zjarri mund të jetë shkaktuar nga ndonjë shkëndijë elektrike, por ende nuk është saktësuar përfundimisht.
