Dy shqiptarë nga Maqedonia janë dhe një tunizian janë vënë në pranga si pjesë e një operacioni antiterrorizëm pasi dyshohen të jenë mbështetës të ISIS.
Sipas mediave italiane, operacioni u zhvillua në Romë dhe dy shqiptarët e arrestuar janë nga Maqedonia. Ata janë Vullnet Maqellara 41 vjeç alias Carlito Brigande dhe Abdulla Kurtishi 26 vjeç. Bashkë me ta, është arrestuar edhe një tunizian, Firas Barhoumi 29 vjeç.
Tre të arrestuarit planifikonin që të luftonin për të ashtuquajturin Shteti Islamik. Sipas informacioneve nga mediat italiane, tuniziani besohet se ka luftuar më parë në Irak. Hetimet e policisë italiane kanë nisur nëntorin e vitit të kaluar dhe të arrestuarve ju gjetën disa letra të shkruara me dorë në gjuhën arabe dhe materiale të tjera.
