Një çift shqiptar ka rënë në prangat e policisë italiane, pasi në banesën e tyre u gjetën plot 5 kg drogë e llojit kokainë, e paketuar në disa qeska, si edhe 110 mijë euro.
Mediat italiane duke cituar policinë shkruajnë se dy të rinjtë e arrestuar janë Renato Hoxha, 24 vjeç dhe Andja Balla, 20 vjeçe. Kontrolli në banesën e tyre erdhi pasi disa ditë më parë, Policia kishte ndaluar Renato Hoxhën në Verona dhe kishte gjetur plot 84 mijë euro të dyshimta në mjetin e tij.
Më pas, Policia arriti të merrte një mandat për të kontrolluar banesën e shqiptarit në Rexhio Emilia ku zbuloi sasinë e drogës që vlen mbi 5 mln euro. Gjithashtu, në banesën e çiftit, u gjet edhe një pistoletë tip “Glok” dhe 191 fishekë. Droga në fakt, ishte fshehur në sirtarin me veshjet intime të vajzës, ndaj është arrestuar edhe ajo.
(Boldnews)
