Një i vdekur dhe 13 të plagosur është rezultati i një shpërthimi të fuqishëm të gazit në një ndërtesë në Moskë. Situatën e ka bërë të ditur Ministria e situatave emergjente.
“Shpërthimi ka ndodhur në katin e tetë të një ndërtesë 14 katëshe në pjesën lindore të Moskës”, thuhet në një deklaratë, ku ndër tjera raportohet se si rezultat i zjarrit të madh që ka kapluar ndërtesën janë shkatërruar disa apartamente.
Agjencia e lajmeve TASS, raporton se një person ka humbur jetën, derisa 13 tjerë janë lënduar të cilët me urgjencë janë dërguar në spital për trajtim.
Ndërkaq shkaku i shpërthimit mbetet i panjohur, pasi hetimet janë duke vazhduar.
