Që në nisje të mbledhjes së Këshillit Bashkiak të Tiranës, këshilltarët e PD-së kanë kërkuar transparencë për këndin e lojërave tek Liqeni Artificial dhe një ndërhyrje përpara Galerisë së Arteve.
Kreu i këshilltarëve të djathtë, Leonard Olli deklaroi në nisje të mbledhjes se: “Kërkesa e depozituar në këshillin bashkiak për të bërë transparencën mbi ndërhyrjen e paligjshme tek liqeni i Tiranës si dhe në hapësirën e gjelbër para Galerisë së Arteve. Këto dy çështje të përfshihen në diskutime”,- tha ai.
Kryetari i Këshillit Bashkiak, Aldrin Dalipi ftoi këshilltarët t’i përmbahen rendit të ditës të komunikuar më herët.
