Interpol Tirana ka kryer ekstradimin në Shqipëri të shtetases Ermira Beqiraj 41- vjeç, e dënuar më 7 vite burg për veprën penale të “Trafikim të lëndëve narkotike”.
Policia njoftoi se me datë 10.03.2016, nga Zyra Qëndrore Interpol Tirana u krye ekstradimi nga Athina/Greqi, drejt vendit tonë i shtetases shqiptare Ermira Beqiraj, 41 vjeçe, lindur në Elbasan.
Sipas burimeve zyrtare, Gjykata e Shkallës së Parë për Krime të Rënda në Tiranë, me vendimin datë 16.04.2013, e ka dënuar këtë shtetase me 7 vjet burgim për kryerjen e veprës penale “Trafikim i lëndëve narkotike“, parashikuar nga Kodi Penal shqiptar.
Si rezultat i bashkëpunimit të Interpol Tirana me Interpol Athina, u bë e mundur arrestimi në Greqi, me qëllim ekstradimi drejt Shqiperise per shtetasen Ermira BEQIRAJ.
