Mbledhja e sotme e Këshillit të Mandateve ka dështuar pasi deputetët e opozitës kanë qenë ata që e kanë bojkotuar. Në këtë mbledhje do të diskutohej për kodin e etikës, një nismë e cila u propozua nga të dyja partitë kryesore.
Mbledhja ishte njoftuar se do të zhvillohej në Këshillin e mandateve të rregulloreve në Kuvend, pas dakortësisë që arritën ligjvënësit për domosdoshmërinë e një Kodi Etike për deputetët.
Krijimi i një Kodi Etike erdhi si ide pas ngjarjeve të ndodhura në parlament gjatë seancave të javëve të fundit. Një ndër çështjet kryesore që do të diskutohej për Kodin e Etikës ishte dhe përdorimi i telefonit gjatë seancës parlamentare.
Kujtojmë se deputetë demokratë tentuan të godisnin me vezë kryeministrin Edi Rama, gjatë seancës parlamentare të 25 shkurtit.
