Forcat opozitare në Kosovë e kanë bërë sërish të pamundur zhvillimin normal të seancës së Kuvendit, duke ja dalë që pavarësisht kontrolleve të hedhin sërish gaz lotsjellës në Kuvend.
Deputetët e “Vetëvendosjes”, kishin paralajmëruar më herët tensionet në sallë, duke u shprehur se veprimet gjatë seancave parlamentare do të jenë të njëjta: Duke hedhu gaz lotsjellës.
Fillimisht mediat kosovare folën për një “ndarje” të partive opozitare, pasi Aleanca për Ardhmërinë e Kosovës dhe NISMA janë shprehur më skeptike në vazhdimin apo jo me metodat e njëjta që mbajnë peng prej një muaji mbajtjen e senacave normale të ligjvënësve kosovarë.
