Dy persona kanë tentuar të vrasin Presidentin e ekipit dibran të Korabit mbrëmjen e sotme në kryeqytet. Mësohet se autorët, një prej të cilëve i identifikuar nga policia si Edmond Geca, 27 vjeç i kanë dalë në pritë shtetasit Fehmi Mëziu në rrugën “Hoxha Tahsim” dhe kanë tentuar ta vrasin me thikë.
Një patrullë e policisë pranë vendit të ngjarjes ka ndërhyrë duke ndaluar në flagrancë një prej autorëve ndërsa ka shpallur në kërkim bashkautorin me iniciale S.M.
Dyshohet se shkak për ngjarjen është bërë një borxh, por nuk dihet nëse shënjestra e këtij agresioni i kishte borxh autorëve apo e kundërta.
(Boldnews)
