Qeveria maqedonase ka mbyllur përfundimisht kufirin e saj jugor me Greqinë, duke deklaruar se nuk do të lejojë më kalimin e emigrantëve. Ndërkohë edhe Shqipëria pritet të bëj të njëtën gjë, një kërkesë kjo edhe e kancelares gjermane Angela Merkel.
“Për ta bërë të qëndrueshme situatën, me të cilën përballemi sot në rrugën ballkanike, ne duhet të punojmë me Greqinë. Sepse është ajo që po vuan më shumë. Ne duhet të sigurojmë kufijtë me Maqedonine dhe Shqipërinë nga ana greke. Duhet të sigurohemi që do të ofrohen mundësi më të mira strehimi. Dhe axhenda BE-Turqi duhet të jetë gjithashtu pjesë e kësaj përpjekjeje, në të kundërt nuk do ta arrijmë kurrë qëndrueshmërinë në Greqi”– tha Merkel.
Kjo situatë e ka vënë Greqinë në një situatë aspak të favorëshme dhe nën një presion të jashtëzakonsëhm
Me mijëra emigrantë dhe refugjatë të mbetur atje, me shpresën ta vazhdojnë rrugëtimin drejt veriut të Europës, por pa mundësinë fizike për ta bërë një gjë të tillë, me shumë gjasa do të kërkojnë tani rrugë alternative.
Numri i lartë i azilkërkuesve ka krijuar një ngërç, sidomos në kufirin e saj me Maqedoninë, ku emigrantët presin prej javësh mundësinë e kalimit.
