Gjykata Apeli ka ndryshuar masën e sigurisë “arrest shtëpie” për drejtorin e tatimeve Androkli Kokthi duke e lënë të lirë atë. Gjatë seancës gjyqësore organi i akuzës ka këmbëngulur sërisht për dënimin e Kokthit por kjo kërkesë është rrëzuar nga gjykata për të dhënë lirim të menjëhershëm të Kokthit.
Kokthi u arrestua në 18 shkurt të këtij viti pasi i kishte kthyer mallin me një vlerë prej 4 milionë lekësh një biznesmeni, mall i cili ishte bllokuar më parë nga specialistët e Drejtorisë së Tatimeve.
Malli ishte bllokuar e ndodhej në rezervat e shtetit, dhe duhej të riblihej sipas ligjit nga biznesmeni, por drejtori ia ktheu këtë mall me anë të një shkrese, e cila konsiderohet tashmë provë shkresore në proces.
Prokuroria ngriti akuzën kundër Kokthit për caktimin e masës së sigurisë për akuzën e “shpërdorimit të detyrës”. Androkli Kokthi, drejtor i Tatimeve të Tiranës, kishte në këtë detyrë më shumë se dy vite.
tyre.
