Kryeministri danez, Lars Lokke Rasmussen njoftoi sot se ka marrë mbështetjen e komisionit të Punëve të Jashtme të Parlamentit për të dërguar 400 trupa të forcave speciale dhe avionë për të luftuar në Siri dhe Irak organizatën Shteti Islamik, IS.
“Avionët luftarakë që ndodhen në bazë në Turqi, do të dërgohen për të goditur në Siri dhe Irak, ndërsa trupat tokësore do të dërgohen në Irak”, theksoi ai.
“Qeveria dëshiron të intesifikojë luftën kundër organizatës terroriste ISIS (…) Është një vendim serioz për të dërguar trupa daneze. Është për këtë arsye që duhet të garantojë që projekti i qeverisë të marrë një mbështetje të gjerë mes partive të parlamentit”, tha Rasmussen.
Propozimi do të hidhet në votim më 19 prill. Danimarka, anëtare e koalicionit ndërkombëtar prej rreth 60 vendesh të drejtuar nga SHBA-ja kundër ISIS-it, ka ndërhyrë deri tani në Irak, ku ka dërguar shtatë avionë luftarakë të tipit F-16 për një vit deri në vjeshtën e vitit 2015.
(Boldnews)
