Policia e shtetit publikoi një video ku një ish deputet i opozitës është ndëshkuar për tejkalim shpejtësie.
“Kam qenë deputet dhe ishim në një takim. Jam në opozitë”, i është drejtuar qytetari efektivit të policisë, teksa ky i fundit i kërkonte të firmoste.
Boldnews.al ka mësuar se bëhet fjalë për ish deputetin Astrit Bushati, i cili ishte nisur për një mbledhje në qytetin Shkodrës ku i pranishëm ishte edhe kryedemokrati Lulzim Basha.
Mësohet gjithashtu se Bushati, tashmë kryetari i PD në Shkodër, ka mbërritur me vonesë në këtë takim për shkak edhe të kësaj ndalese nga strukturat e policisë.
Ish-deputeti, Astrit Bushati është ndëshkuar për dy shkelje administrative, “Parakalim i gabuar” dhe “Tejkalim shpejtësie tej normave të lejuara”.
