Louis van Gaal ka qenë shumë i përfolur për ato që ka bërë dhe ka thënë gjatë javës së fundit si trajner i Manchester United, por në konferencën e djeshme për shtyp ka thënë: “Nuk jam kloun, që dëfren njerëzit me sjelljen e tij”. Van Gaal tha para ndeshjes ndaj Arsenal se kërkonte një skuadër “të eksituar” në fushën e lojës dhe kjo bëri shumë bujë, por akoma edhe më bujë bëri sjellja e tij gjatë ndeshjes së luajtur në “Old Trafford”.
Duke protestuar për futbollistët e Arsenal, që hidheshin shumë lehtë pas kontrasteve, holandezi shkoi te gjyqtari i katërt dhe imitoi lojtarët miq duke u hedhur në fushë. “Nuk jam një kloun – tha holandezi. – Unë jam Louis van Gaal, një qenie njerëzore. Unë jam një trajner profesionist dhe protestat ndaj gjyqtarëve nuk janë pjesë e filozofisë time. Futbollistët e mi duhet të mendojnë vetëm për futbollin. Unë i ndihmoj në stërvitje dhe të gjejnë zgjidhet e ndryshme në ndeshje. Unë mund ta bëj shumë mirë punën time, në stol, në fushën e stërvitjes, në konferencë për shtyp, sepse unë jam Louis van Gaal.”
Duke iu referuar ngjarjes së ndodhur ndaj Arsena, Van Gaal deklaroi: “Sapo e prekim kundërshtari bie menjëherë në tokë. Kjo ishte ajo që doja t’i thoja gjyqtarit të katërt, por u tregova më shumë emocional seç duhet duke imituar lojtarët e Arsenal. Unë duhet të respektoj gjyqtarët dhe zyrtarët e ndeshjes, por në këtë rast nuk bëra asgjë gabim dhe nuk kam përse të kërkoj ndjesë. Nuk më vjen keq për atë që bëra, sepse mendoj se kisha të drejtë dhe pse duhet të isha më i kontrolluar në sjellje.” Manchester United do të luajë të mërkurën ndaj Watford.
