Shumica e gjermanëve janë të kënaqur me punën e kancelares Angela Merkel, sipas anketës së ARD. Kundërshtari i saj për politikën e refugjatëve, shefi i CSU, Horst Seehofer humbet përkrahjen.
Muajt e fundit u ul ndjeshëm mbështetja ndaj Angela Merkelit, kryesisht për shkak të dyerve të hapura ndaj refugjatëve dhe ekseseve në natën e ndërrimit të viteve në Hamburg dhe Këln, ku qindra vajza gjermane u ngacmuan seksualisht nga emigrantët.
Mirëpo në anketën e fundit, kancelarja ka fituar besimin e gjermanëve për plus tetë përqind, duke arritur te kuotat 54 përqind.
Shefi i partisë CSU, Horst Seehofer ka humbur mbështetjen e gjermanëve. Ai ka humbur terren prej shtatë pikësh ose 38 përqind e të anketuarve mbështesin politikat e tij.
Përsëri politikani më i dashur gjerman mbetet Frank Walter Steinmeier, me 70 përqind, ndjekur nga ministri i financave, Wolfgang Schauble, 66 përqind.
Anketa është kryer 26-27 shkurt, ku janë pyetur 1005 persona. Gabimi qëndron prej 1.4 deri në 3.1 prrqind.
(Boldnews)
