Protesta e stundetëve/ Artan Fuga: Per mua, tani ka nevojë për masa të mençura

Nëse kërkesat kanalizohen vetëm te kushtet në konvikte dhe përgjysmimi i tarifave, atëherë protesta do të ishte një flluskë sapuni.

Kështu deklaron akademiku Artan Fuga, i cili që prej hartimit të ligjit për Arsimin e Lartë dy vite më parë, ka paralajmëruar se një ditë situata mund të dilte jashtë kontrollit qeveritar. Fuga thotë se duhen kërkesa të vërteta që të zgjidhen çështjet, dhe nuk mund të kanalizohen kaq thjesht.

Akademiku shkruan se në rast se ulen tarifat do të përkeqësohej cilësia e mësimdhënies, dhe duhen gjetur mënyra të tjera financimi. Fuga shkruan po ashtu se bordet universitare janë jofunksionale, me apo pa studentët.

“Të rregullohen kushtet në konvikte? Po sa perqind e studenteve gjejne nje vend ne konvikt, a e dini? Sa eshte qeraja e dhomes a e dini?

Te ulen pergjysme tarifat ? Kjo do t’i degradonte kushtet e studimeve dhe cilësinë e mësimdhënies si edhe gjendjen e pedagogeve. Me gjysem cmimi do te blenin domate te kalbura. Kjo mase nuk mjafton!

Te marrin pjese studente ne borde??? Por ato borde jane jofunksionale me ose pa studente i kane degraduar universitetet shqiptare. Duhen kërkesa te verteta qe zgjidhin ceshtjet!”, shkruan Fuga.

Akademiku propozon: 

Per mua tani ka nevoje per masa të mencura:

  1. Krijimi i një keshilli emergjence prane ministrise te arsimit ose edhe me lart per reformimin e arsimit te larte. 
    2. Pergatittja e nje samiti a kongresi per arsimin e larte me te gjithe aktoret e interesuar sociale e politike dhe intelektuale te vendit. Urgjent. 
    3. Pranimi i amendimit te ligjit per arsimin e larte, që e pranon ose jo ndonje fletushke sherbetore propagandistike people, eshte ai baza e te gjitha te keqiave qe ka mberthyer shkollen e lartë. 
    4. Perpunimi i shpejte i modelit të universiteteve publike shqiptare
    5. Pezullimi i te gjithe bordeve per nje kohe te dyte derisa te perpunohet modeli i ri i administrimit. 
    6. Pranimi i pageses me keste i detyrimeve financiare te studenteve
    7. Pranimi i perpunimit te nje ligji te integrimit te shkences dhe kultures e dijes ne shoqëri e sotme shqiptare. 
    8. Planifikimi i nje studimi mbi gjendjen e arsimit te larte ne Shqiperi dhe paraqitja e tij si nje plan masash Kuvendit te Shqipërise. 
    9. Bashkia Tiranë të ktheje ne destinacionin e perdorimit te aseteve te UT qe i jane uzurpuar ne menyre arbitrare.

Ndërkohë që në një postim të mëhershëm Fuga shkruan:

Revoltat dhe protestat shumë të drejta studentore duhet të na japin shansin të mbledhim mendtë ne pedagogë, studentë, shoqëri civile, prindër, dikasteret, bota politike, akademi e shkencave e reformuar, intelektualë të vërtetë, jo demagogë rrugësh, që në mënyrë të përgjegjshme dhe të studjuar t’i propozojmë vetes, rinisë, kombin se çfarë do të bëjmë për të patur një arsim performant dhe të aksesueshëm universitar, çfarë do të bëjmë për të zhvilluar dijen kombëtare, cfarë do bëjmë për ta integruar dijen në shoqëri, për ta lidhur rininë me dijen, për të dhënë dije të vërtetë dhe jo përralla folklorike, sepse po futemi gradualisht dhe shpejt në hone errësire dhe po mbetemi kombi më budalla në Europë.

Poqese protesta e drejtë degjeneron në kërkesa për të futur edhe një student në bordet qesharake jofunksionale dhe që nuk kanë asnjë legjitimitet logjik dhe administrativ, borde që i kanë shkatërruar universitetet shqiptare, atëhere gjithçka do të ishte një flluckë sapuni!

Loading...

Leave a Reply

Your email address will not be published. Required fields are marked *