Është ftohje apo diçka tjetër më serioze, ja si ta dalloni

Është e lehtë për të diagnostikuar veten me ftohje kur ndiheni keq. Por jo gjithmonë është kështu. Është e rëndësishme të jeni në gjendje të bëni dallimin midis të ftohtit të zakonshëm dhe diçkaje më serioze, në mënyrë që të mund të merrni kujdesin mjekësor që ju nevojitet.

Nëse mendoni se keni “vetëm ftohje”, por jeni të shqetësuar se mund të jetë diçka më shumë, është më mirë të vizitoheni nga një specialist. Kjo është e rëndësishme veçanërisht në qoftë se ju vuani nga astma, alergji të rënda, diabet, sëmundje të veshkave, HIV, ose sëmundje autoimune. E njëjta gjë vlen edhe për gratë shtatzëna dhe të gjithë fëmijët nën moshën gjashtë vjeç, si dhe ata që janë mbi 65 vjeç. Ftohja e zakonshme ndikon në këto grupe njerëzish ndryshe dhe mund të jetë më serioze në raport me individët e shëndetshëm. Por cilat janë ato simptoma që tregojnë se kemi të bëjmë më shumë se një ftohje?

Zgjat disa ditë/ Ftohja e zakonshme largohet për tri-katër ditë. Fillon me gërvishtje në fyt, mbingarkesë dhe sekrecione dhe më pas zakonisht zhvillohet një kollë. Ndërsa kollitja mund të zgjatet, shumica e simptomave duhet të zhduken pas katër ditësh. Nëse simptomat zgjasin më gjatë, është e mundur që të keni diçka më shqetësuese, siç është grip. Për të qenë i sigurt, vizitohuni nga mjeku juaj.

Rikthimi i simptomave/ Nëse keni menduar se u shëruat nga sëmundja juaj, por simptomat tuaja u shfaqën sërish. Ju mund të keni pasur një të ftohtë fillimisht, por sapo sistemi juaj imunitar është komprometuar, keni zhvilluar diçka më serioze – mendoni për problem me stomakun, pneumoni, ose infeksion sinus. Rezervoni një takim me mjekun tuaj për të përcaktuar nëse keni nevojë për trajtim shtesë, siç janë antibiotikët.

Temperaturë e lartë/ Është e mundur që të keni ethe, por ato nuk janë të zakonshme. Shumica e pacientëve mund të kenë temperaturë, gjë e cila mund të çojë në komplikacione nëse nuk ndërhyhet në kohën e duhur.

Probleme me stomakun/ Nauze, të vjella dhe diarre zakonisht nuk shoqërojnë ftohjet, kështu që simptomat si këto mund të sinjalizojnë diçka më serioze, siç është gripi. Është e rëndësishme të merrni vëmendjen mjekësore nëse jeni duke përjetuar këto simptoma vazhdimisht, pasi ato mund t’ju bëjnë të dehidroni.

Dhimbje koke të rënda/Mjekët marrin parasysh dhimbje koke të rënda, sidomos nëse shoqërohen nga një ngurtësi në qafë -sepse kjo mund të jetë një shenjë e meningjitit. Nga ana tjetër, dhimbje koke që ndihen më keq për sytë dhe hundët mund të jenë shenjë e infeksionit të sinusit. Këto lloje të dhimbjeve të kokës mund të përkeqësohen kur të përkuleni përpara, duke qenë se jeni duke ndier presionin e pasazheve tuaja të mbingarkuara të sinusit.

Keni dhimbje të trupit/ Një ftohje e rregullt nuk është një shëtitje në park, por nuk duhet të shkaktojë dhimbje në të gjithë trupin. Nga ana tjetër, gripi mund të shoqërohet me lodhje dhe të dridhura. “Me gripin do të ndiheni sikur ju ka goditur një kamion”, thonë doktorët.

Loading...

Leave a Reply

Your email address will not be published. Required fields are marked *