Këshilli Bashkiak Kukës: Tarifa e re e “Rrugës së Kombit” e përballueshme nga të gjithë

Kalimi në “Rrugën e Kombit” prej orëve të para të mëngjesit të ditës së hënë, 17 shtator, do bëhet kundrejt pagesës. Pas protestës së 31 marsit, e cila erdhi si rrjedhojë e arrogancës së qeverisë e cila vendosi në mënyrë të njëanshme dhe pa konsultim me grupet e interesit një tarifë prej pesë euro për çdo kalim, gjërat duket se tashmë janë sheshuar.

Koncesionari rindërtoi sportelet dhe pas kolaudimeve të para, rruga është gati për t’u taksuar, të ardhurat e të cilës do përdoren për mirëmbajtjen, por edhe përfundimin e tërësor të arteries së kombit që lidh Shqipërinë me Kosovën, pasi në një pjesë të mirë të segmenteve të saj mungojnë urat dhe senset e dyfishta të lëvizjes së automjeteve. Me tarifën e re duket se janë pajtuar edhe banorët e Kukësit si dhe autoritetet vendore. Banorët vendas të Qarkut të Kukësit do trajtohen në mënyrë të diferencuar si përdoruesit më të shpeshtë të rrugës. Sipas tarifave të reja të rishikuara, ata do paguajnë vetëm 100 lekë të reja.

Në një njoftim të shpërndarë për mediat, Këshilli Bashkiak i Kukësit njofton se ka hequr nga rendi i ditës pikërisht diskutimin për vendosjen e tarifës në “Rrugën e Kombit”. Kreu i Këshillit Bashkiak të Kukësit, Gjelbrim Shehu, njofton se tarifa e re e vendosur nga qeveria është e pranueshme dhe e përballueshme nga të gjithë. Shehu thekson se çështja erdhi në pikën e pajtimit pas negociatash të vazhdueshme me Qeverinë Shqiptare, Koncesionarin dhe grupet e interesit në të mirë të interesave të banorëve dhe qytetarëve të qarkut Kukës.

Njoftimi i Këshillit Bashkiak Kukës:

Ne cilesine e Kryetarit te Keshillit te Bashkise Kukes bej me dije opinionin
se mbledhja e Keshillit Bashkiak e thirrur sot me date 13.09.2018, nuk u
zhvillua per mungese kuorumi.

Lidhur me piken e fundit te rendit te dites qe ka te beje me analizen,
diskutimin mbi vendosjen e tarifes se rruges se Kombit sqaroj se kjo
çeshtje quhet e mbyllur dhe nuk dote jete me pjese e rendit te dites se
mbledhjeve te Keshillit te Bashkise pas reflektimit nga ana e qeverise
shqiptare dhe Koncesionarit, te tarifes prej 100 lekesh e caktuar per
banoret e qarkut Kukes, e cila eshte e pranueshme dhe e perballueshme
nga te gjithe.

Theksoj se erdhem ne kete zgjidhje perfundimtare pas negociatash te
vazhdueshme me Qeverine Shqiptare, Koncesionarin dhe grupet e interesit
ne te mire te interesave te banoreve dhe qytetareve te qarkut Kukes.

Tarifat që do të aplikohen në Rrugën e Kombit:

Automjete komercilale me dy akse dhe 6 rrota (1.90 m dhe 2.70 m) do të paguajnë 1490 lekë.

Kamionë të mesëm dhe autobusë të rëndë, përfshirë mjete me lartë 2.7 m do të të paguajnë 21 40 lekë.

Kamionë të rëndë 4 akse a më shumë, do të paguajnë 2970 lekë.

Përdoruesisht e shpeshtë të kësaj rruge do të përfitojnë reduktime të ndjeshme të tarifiit.

Për 20-30 kalime në muaj, përfitojnë 10% zbritje

Për 30-50 kalime në muaj përfitojnë 20% zbritje

Për 50-60 kalime në muaj përfitojnë 30% zbritje dhe mbi 60 kalime përfitojnë 40% zbritje.

 

Leave a Reply

Your email address will not be published. Required fields are marked *