Drejtori i Hetimit Tatimor Enertil Canaj ka dhënë para disa ditësh dorëheqjen nga posti që mbante për arsye personale.
Canaj me anë të një letër-kërkese i ka paraqitur dorëheqjen ministrit të Financave Arben Ahmetaj, ekzaktësisht më datë 17.08.2018.
“I nderuar z. Ministër
Së pari dua të ju falenderoj për mbështetjen e madhe që më keni dhënë për arritjen e rezultateve të Drejtorisë së Hetimit Tatimor gjatë periudhës që kam drejtuar këtë Drejtori. Mendoj që është bërë një punë shumë e mirë dhe rezultatet e tregojnë këtë gjë.
Për arsye personale ju paraqes dorëheqjen time nga Drejtori i Drejtorisë së Hetimit Tatimor pranë Drejtorisë së Përgjithshme të Tatimeve.
Duke besuar në mirëkuptimin tuaj,
Ju uroj punë të mbarë”, ka shkruar në letër-kërkesë Enertil Canaj.
Kujtojmë se, Canaj njihet si personi që drejtoi aksionin kundër informalitetit.
